Шпанија е првиот полуфиналист на ФИБА Евробаскет 2015, откако попладнево во интересен дуел успеа да слави над Грција со 73-71.
Шпанските кошаркари предводени од фантастичниот Пау Гасол уште еднаш покажаа дека знаат да заиграат кога е потребно и покрај отсуството на бројните НБА играчи, избраниците на Скариоло одиграа особено добро во последната четвртина во која целосно го надиграа грчкиот состав.
Пау Гасол беше најдобар кај шпанската селекција и на овој меч, реализирајќи 27 поени и 8 скокови, Миротиќ постигна 18 поени, додека Серхио Родригез имаше десет поени и пет асистенции. Кај Грците најистакнат беше Антетокоумпо, кој оствари дабл-дабл од 12 поени и 17 скокови.
Следен ривал на Шпанија ќе биде подобриот од вечерашниот натпревар меѓу Латвија и домаќинот Франција.