Откако двете држави излегоа под заедничко знаме на Зимската Олимпијада во Пјонгчанг минатата година и имаа заеднички тим во женскиот хокеј, Северна и Јужна Кореја сега повторно си подаваат рака.
Двете држави сакаат заеднички да ги организираат Летниот Олимписки Игри во 2032 година, а по тој повод утре ќе се сретнат со шефот на Меѓународниот олимписки комитет, Томас Бах.
– На состанокот ќе бидат разгледани прашања поврзани со кандидатурата на Сеул и Пјонгјанг за ЛОИ 2032 година, како и заедничкото учество на тимови од двете страни на Игрите во Токио во 2020 година, прокоментираа од МОК за историската идеја на Северна и Јужна Кореја.