Македонската репрезентација во традиционално карате освои седум медали (3 златни 2 сребрени и 2 бронзени) на 22. Европски Фудокан Шампионат во традиционално карате за сениори, јуниори, кадети деца кој се одржа од 27 до 30 март во Наполи, Италија.
Освојувачи на медали:
1. Европски шампиони во ката тим деца од 12-14 години женски (Мила Саздова, Антонија Белазелкоска и Јелена Дробниќ).
2. Европски шампиони во Ен-бу маж-жена Кадети (Мила Саздова и Огнен Тасевски).
3. Европски шампион во кати поединечно деца од 12-14 женски (Мила Саздова).
4. Европски вицешампион во кати поединечно кадети (Огнен Тасевски).
5. Европски вицешампион во Кихон ипон кумите деца од 6-8 години (Матеј Јарчевски).
6. Бронзен медал кати поединечно деца од 12-14 женски (Јелена Дробниќ).
7. Бронзен медал во Кихон кумите деца од 6-8 години (Матеј Јарчевски).
На Европскиот шампионат во Наполи Италија учествуваа над 680 каратисти од 22 европски земји.
На шампионатот беа одликувани и унапредени повеќе карате мајстори помеѓу кои Венцислав Недев беше одликуван од претседателот на Европската федерација со признание за долгогодишна успешна работа, а Дејан Недев беше унатреден во мајсторски црн појас 6 Дан (Roku-Dan) со што стана најмлад носител на вакво високо звање во Европа.