Македонскиот ракометен шампион Вардар синоќа во Скопје славеше убедлива победа над Извиѓаќ со 42:30 (19:16).
Ова беше седми триумф за „цвено-црните“ во регионалната лига или вкупно десетти во низа заедно со трите од Лигата на шампионите.
Даниел Шишкарев со седум погодоци е најефикасниот во победничкиот состав, додека кај гостите од Босна и Херцеговина, Кристијан Јарак шест пати ја погоди целта.
Табела: Вардар 22 бодови (8 натпревари), Мешков Брест 13 (6), ППД Загреб 12 (5), Веспрем 12 (5), Целје 9 (7), Горење Велење 6 (5), Нексе 4 (5), Металург 4 (6), Татран Прешов 3 (5) и Извиѓач 0 (6).
Следен натпревар за Вардар е дуелот против унгарскиот ПИК Сегед во недела во Скопје (17:30 часот) во рамките од Лигата на шампионите, додека во СЕХА конкуренцијата ќе следува гостувањето кај Нексе на 23 октомври.