Кошаркарите на САД го освоија Светското првенство за играчи до 19 години, откако синоќа во финалето по продолжение ја совладаа Хрватска со 79:71 (14:13; 20:18; 16:16; 17:20 и 12:4).
Хрватска пропушти шанса да го освои трофејот кога на четири секунди до крајот реализира само едно од двете слободни фрлања по што натпреварот отиде во продолжение.
Во малото финале Турција го совлада домаќинот Грција со 80:71 и го освои бронзениот медал.
Резултати на другите натпревари за пласман:
за 5.место – Канада – Италија 77:44;
за 7.место – Австралија – Шпанија 103:72;
за 9.место – Србија – Аргентина 77:76;
за 11.место – Египет – Кореја 101:88;
за 13.место Доминиканска Република – Иран 71:50 и
за 15.место – Кина – Тунис 80:68.