Руската влада го извести Меѓународниот олимписки комитет дека нема да ги дискриминира хомосексуалците во текот на Зимските Олимписки игри, во Сочи 2014.
Потпретседателот на владата, Димитриј Козак во писмото до МОК наведе дека државата ќе ги почитува одредбите на Олимписката повелба против каква било дискриминација.
Тој додал и дека законите во Русија се однесуваат на секого и дека мора да се почитуваат.
Русија годинава донесе закон со кој пред малолетниците се забранува „пропагирање нетрадиционални сексуални односи“ и парично казнување на организаторите на парадите на гордост.
Поради тој закон многумина бараа на Русија да и се одземат Зимските Олимписки игри, кои од 7-ми до 23-ти февруари ќе се одржат во Сочи.
Елена Георгиевска