УЕФА потврди дека мечот на Глазгов Ренџерс против Наполи во Лигата на шампионите, се одложува за 24 часа, и се воведува забрана за присуство на гостинските италијански навивачи по смртта на кралицата Елизабета Втора.
„Мечот помеѓу Ренџерс и Наполи, кој требаше да се игра на 13 септември, е презакажан за 14 септември поради ограничените достапни полицајци и проблемите со организацијата по деновите на жалост во Велика Британија по смртта на кралицата Елизабета Втора. Гостинските фанови нема да можат да присуствуваат на мечот, и во знак на фер-плеј, навивачите на Ренџерс нема да можат да присуствуваат на мечот во Неапол“, се вели во објавата на УЕФА.
Наполи имаа фантастичен старт на настапите во ЛШ, со 4:1 победа над Ливерпул, додека Ренџерс загубија со 4:0 од Ајакс во својот прв меч во Лигата на шампионите по една деценија.
Извор: Топспорт