Фудбалерите на Удинезе и Торино денеска одиграа без победник, 2:2 во натпреварот од 18. коло на италијанската Серија А.
Головите за Удинезе ги постигнаа Исак Туре во 41. минута и Лоренцо Лука во 49. минута. Стрелци за Торино беа Че Адамс во 53 и Семјуел Ричи во 64 минута.
Српскиот интернационалец Вања Милинковиќ-Савиќ беше на голот на Торино, додека неговиот сонародник Иван Илиќ влезе во игра на почетокот на вториот дел.