Кошаркарскиот клуб МЗТ Скопје Аеродром денеска со писмена реакција по вчерашните обвинувања од таборот на Работнички за лоша арбитража на првиот финален натпревар од плејофот одигран синоќа, во кој сино-белите славеа убедлива победа.
„Она за кое што КК МЗТ Скопје Аеродром најостро реагира е тоа што стручниот штаб на КК Работнички го прави на секој меч со МЗТ Скопје, а тоа е постојаното влегување во теренот и вршење притисок врз официјалните лица, нешто за кое што во секоја друга лига би било драстично санкционирано.
Постојано слушаме како Работнички е голем клуб, но со своите постапки покажува особини кои не му доликуваат на еден од најстарите и најтрофејните тимови во нашата држава. За своите порази не треба постојано да се бара алиби кај судиите, кај МКФ, кај сите други освен во сопствените редови“ се вели во соопштението од МЗТ Скопје Аеродром.
Актуелниот првак не пропушти да ја потенцира добрата организација на натпреварот, за што свој придонес имаат и двете навивачки групи со нивниот однос
Сепак, од таборот на МЗТ Скопје, предупредуваат дека се подготвува сценарио кое нема да и донесе добро на македонската кошарка.
„Се шпекулира за иницирање на инцидент кој ќе биде главен повод за напуштање на финалето и бојкот на натпреварите. Доколку се остварат таквите најави би биле голем срам за КК Работнички и за мак-баскетот вооопшто“, пишува во соопштението на МЗТ Скопје Аеродром.