Англискиот репрезентативец Рахим Стерлинг е многу блиску до преселба во Челси, кој сака да го ангажира за обештетување од околу 45 милиони фунти. Тој има уште една година од договорот со Манчестер Сити, а треба да стане најплатен фудбалер на „Стемфорд бриџ“.
Играјќи за Сити, Рахим Стерлинг освои 12 трофеи, вклучително и четири титули во Премиерлигата, а новиот сопственик на Челси, Тод Боли, го гледа неговото купување како можност да докаже дека лондонскиот клуб се уште е фактор на пазарот за најбогатите.
Стерлинг ќе биде најплатениот играч на Челси, со неделна плата од 300.000 фунти. Тоа би значело дека неговата годишна плата ќе изнесува 15,6 милиони фунти.
Извор: Топспорт