Дерби натпреварот на 17.коло на Првата кошаркарска лига ќе се одигра вечерва во Куманово. Куп освојувачот Работнички ќе гостува кај Куманово, а овие два тима играа и во полуфиналето на Купот на Македонија (Работнички победи 76:63). Почетокот на натпреварот е во 19 часот.
Во вториот дуел од денешната програма во Кавадарци Фени Индустри е домаќин на последнопласираната екипа Водњански лисици.
Утре во Гевгелија ќе играат Кожув и Струмица. Натпреварот Карпош Соколи – МЗТ Скопје Аеродром е закажан за 26.март, а во ова коло слободна е екипата на Гоце Делчев.
Табела: МЗТ Скопје 25 бодови, Работнички 24, Фени И. 23, Куманово 23, Карпош Соколи 23, Кожув 21, Гоце Делчев 19, Струмица 17, Водњански лисици 16.