Рускиот претседател Владимир Путин денеска изјави дека е 100 проценти сигурен дека неговата земја на чесен начин ја доби организацијата на Светското првенство во 2018 година и апелира на се уште актуелниот претседателот на ФИФА, Сеп Блатер, да му се додели Нобелова награда.
– Не постои дилема, ние сме 100 проценти сигурни дека на чесен начин ја добивме организацијата на Светското првенство 2018. Што се однесува до Блатер, тој е почитуван човек. Неговиот хуманитарен придонес е огромен и заслужи Нобелова награда, рече Путин на традиционалната прес-конференција во Москва.
Рускиот претседател го спомна и проблемот со допингот во спортот, по суспензијата на Атлетскиот сојуз на Русија поради недозволено работење.
– Одговорноста за допинг треба да е индивидуална, а официјалните претставници на спортот во сите меѓународни организации треба отворено да се борат против допингот, порача Путин.