Екипите од Првата кошаркарска лига попладнево и вечерва ќе ги одиграат натпреварите од 27.коло (претпоследно). До крајот на регуларниот дел останува уште едно коло, а потоа ќе почне плеј офот во борбата за титулата.
Првакот МЗТ Скопје Аеродром има тешко гостување кај екипата на Куманово, која веќе еднаш во ова првенство славеше победа на домашен терен надшампионот. Почетокот на дуелот е во 19 часот. Во истиот термин во Гевгелија се игра „градското“ дерби на двата тима од Гевгелија Кожув и Бест.
Во СЦ „Борис Трајковски“ Карпош Соколи е домаќин на Фени Индустри и со победа ќе го потврди местото број 2 за плеј офот. Почетокот на дуелот е во 18 часот, а во истиот термин играат и Струмица – Работнички.
Табела: МЗТ Скопје А. 50 бодови, Карпош Соколи 45, Куманово 44, Фени Индустри 43, Кожув 37, Работнички 36, Струмица 31, Бест 26.