Македонските тенисери имаа успешен настап во четвртфиналните дуели на фјучрс турнирите. Лина Ѓорческа во Варна ја победи Габриела Талаба од Романија со 6:3 и 6:3 во двата сета. Нашата тенисерка имаше четири брејка, а Талаба само еден. Утре во полуфиналето Ѓорческа ќе игра против втората носителка Изабела Шиникова од Бугарија.
Димитар Грабул во Сокобања оствари победа над четвртиот носител Мики Јанковиќ од Србија со 6:3 и 6:3 во двата сета. Во вкупниот број поени Грабул освои 61, а Јанковиќ 43. Утре во полуфиналето противник ќе му биде Дејан Катиќ (7.носител). Лани на истиот турнир во Сокобања Катиќ постигна победа од 2:0 во сетови над Грабул во 2.коло.