Екипите на Реал Мадрид и на Андолу Ефес остварија победи на првите натпревари од 22.коло од кошаркарската Евролига. Кошаркарите на Реал Мадрид со победата го зачуваа првото место на табелата откако триумфираа на гости кај Уникс Казан. Двете екипи (Уникс и Реал) често се менуваа во водство, а најефикасен кај победникот беше Ентони Рендолф со 19 поени, додека Лука Дончиќ постигна 5 поени, а имаше 11 асистенции и 7 скокови. Најефикасен на дуелот беше Кејт Ленгфорд со 20 поени.
На вториот дуел одигран во Истанбул Анадолу Ефес со пресврт стигна до победата над Милано. Гостите од Италија на полувреме водеа со 54:40, но по одличната игра во вториот дел турската екипа стигна до триумфот. Најпрецизен беше Томас Ертел од Анадолу Ефес со 17 поени.
Резултати 22.коло: Уникс Казан – Реал Мадрид 77:81 , Анадолу Ефес – Армани Милано 90:86.
Вечерва се играат дуелите: ЦСКА Москва – Црвена Звезда, Макаби – Басконија и Панатинаикос – Бамберг.
Утре се играат дуелите: Дарушафака – Фенербахче, Олимпијакос – Жалгирис и Барселона – Галатасарај.
Табела: Реал Мадрид 17-5 (победи-порази), ЦСКА Москва 15-6, Олимпијакос 15-6, Фенербахче 14-7, Црвена Звезда 12-9, Панатинаикос 12-9, Басконија 12-9, Анадолу Ефес 11-11, Дарушафака 10-11, Жалгирис 9-12, Бамберг 8-13, Барселона 8-13, Уникс Казан 7-15, Армани Милано 7-15, Макаби 7-14,Галатасарај 6-15.