Македонските тенисери Томислав Јотовски и Лина Ѓорческа успешно ги почнаа настапите на фјучрс турнирите во Србија.
Јотовски (5.носител) по голема борба го совлада Унгарецот Петер Наѓ со 2:1 во сетови (7:6 (7:4); 2:6 и 6:3) на фјучрсот во Ваљево. И двајцата тенисери имаа по осум брејка во мечот, а во решавачкиот сет Јотовски при резултат од 3:2 во гемови за противникот, направи серија од 4-0 и успеа да го добие мечот.
Во следната рунда повторно противник ќе му биде унгарски тенисер Левенте Годри.
Ѓорческа (3. носителка) во два сета со 6:3 и 6:2 ја победи Романката Камелија – Елена Христеа. На овој меч неизвесноста беше само во првиот сет до резултатот 3:3 во гемови. Македонската имаше ефект 6 од 7 брејк топки во мечот.
Попладнево за нашата тенисерка е и мечот во двојки на фјучрсот во Палиќ. Таа настапува заедно со Елисавета Јанчук од Украина.
Настап попладнево ќе има и Димитар Грабул (4.носител) кој на фјучрсот во Хеист, Белгија ќе игра против квалификантот домашниот тенисер Јолан Кело.