Македонските тенисери на фјучрсот во Тунис имаа различен старт во поединечна конкуренција. Томислав Јотовски, кој е рангиран како втор носител во првото коло го совлада Рапеш Флорин Марсеан од Романија со 6:0 и 6:3 во сетови. Во следната рунда ривал на Јотовски ќе биде домашниот тенисер Мајед Килани.
За разлика од Јотовски, Бесир Дургути загуби на стартот од Блејд Фонг од Австралија со 6:1 и 6:2 во сетови.
Во конкуренција на двојки македонските тенисери Јотовски и Дургути попладнево ќе играат против третите носители Французите Флориан Диеп и Так Кун Ванг.