Двајца македонски тенисери се учесници на фјучрс турнирот во Тунис во Ел Кантауи.
Шендрит Деари во првото коло го совлада квалификантот од Германија Лука Гелхард со 6:3 и 7:5 во гемови и следен ривал ќе му биде победникот од мечот Уго Грение (Франција) – Џордан Дајк (САД).
За разлика од Деари, Стефан Мицов не ја мина првата пречка и загуби од осмиот носител Кристофер Хајман од Белгија со 7:6 (7:4) и 6:2 во гемови.
Во конкуренција на двојки македонските тенисери Деари-Мицов загубија од четвртите носители Французите Ронан Жонку и Винсен Силеро со 6:1; 2:6 и 10:5 на поени во решавачкиот сет.