Актуелниот шампион Шкендија во Тетово е домаќин на Борец во еден од петте натпревари, кои попладнево со почеток од 15 часот се на програмата во рамки на 9. коло во Првата македонска фудбалска лига (ПМФЛ).
Во преостанатите натпревари, Скопје е домаќин на Академија Пандев, Брегалница во Штип ја пречекува екипата на Струга, Македонија ЃП на домашен терен ќе игра против второпласираната Ренова, додека Пелистер во Битола ќе се обиде да ја забележи првата победа сезонава во дуелот против Тиквеш.
Колото ќе биде комплетирано в недела со дерби натпреварот меѓу лидерот Шкупи и градскиот ривал Работнички.