Ждрепката за Ролан Гарос е направена, а вистински „пекол“ го чека Рафаел Надал, освојувач на 14 трофеи во Париз.
Рафа, кој не е во најдобра состојба, веќе во првото коло игра против еден од фаворитите Саша Зверев.
Дури и да биде успешен, следните кола би му донеле сериозни ривали. Прво Дејвид Гофан, а потоа Талон Грикспор или Мекензи Мекдоналд.
Во осминафиналето неговиот потенцијален ривал би бил подобриот од дуелот помеѓу Холгер Руне и Карен Хачанов, додека во четвртфиналето би требало да се пласираат Даниил Медведев и Алекс де Минор.
🇪🇸🇫🇷 Rafael Nadal’s 2024 Roland Garros Draw:
R1 – Zverev
R2 – Goffin
R3 – Griekspoor/McDonald
R4 – Rune/Khachanov
QF – Medvedev/De Minaur
SF – Djokovic/Ruud/Fritz
F – Sinner/Alcaraz pic.twitter.com/L8Cyg77rUl— Olly 🎾🇬🇧 (@Olly_Tennis_) May 23, 2024
Во оваа половина од ждрепката е Новак Ѓоковиќ, потенцијален ривал во полуфиналето, додека во другата половина се Јаник Синер и Карлос Алкараз.
Италијанецот стартува со Крис Еубенкс, а во неговиот дел од ждрепката за четврт-финалето се играчи како Стен Вавринка, Камерон Нори, Николас Џари, Хуберт Хуркач, Григор Димитров.
Што се однесува до Алкараз, неговиот прв ривал ќе биде квалификант, а потенцијални противници пред можниот дуел со Синер би можеле да бидат Џек Дрејпер, Себастијан Корда, Бен Шелтон/Феликс Огер-Алиасим, Андреј Рубљов/Стефанос Циципас.