Традиционално во Тетово кон крајот на годината се одржува меѓународен одбојкарски турнир во чест на македонската легенда Бранко Хаџи-Иљоски Чајка.
И годинава Агенцијата за млади и спорт ќе даде голема поддршка на овој турнир на кој ќе гостува Партизан од Белград.
– Го помагаме овој турнир во насока на придонесување на развој на одбојката и давање почит кон легендата на македонската одбојка, Бранко Хаџи-Иљоски Чајка. АМС заедно со Одбојкарската федерација на Македонија и синот на легендата на овој спорт, Ивица Хаџи-Иљоски се потрудија оваа година овој турнир да биде празник на одбојката во Тетово, рече Дарко Каевски директорот на Агенцијата за млади и спорт.
Турнирот почна 1975 година и до сега, од оправдани причини, само два пати се нема одржано.
Покрај гостите од Србија учесници на турнирот ќе бидат:Вардар Скопје, Универзитет Тетово и Лешок од с. Лешок.
Полуфиналните натпревари ќе се играат утре со почеток од 17 часот, а мечевите за пласман се в сабота.
– Фокусот на турнирот оваа е врз машките екипи, со цел да видиме до каде е македонската одбојка во според со тимовите од соседството, изјави Ивица Хаџи-Иљоски на прес-конференцијата во АМС.
Во полуфиналето утре ќе играат:
Вардар – Лешок (17 часот) и
Партизан – Универзитет (19:30 часот).
Оваа година турнирот е влезен во календарот на Европската одбојкарска конфедерација (ЦЕВ).