Најдобриот француски кошаркар Тони Паркер ја израдува нацијата со најавата дека ќе ги предводи на пат кон Олимписките игри во Рио летово.
Тој во интервју за „Ле Кип” потврди дека ќе биде дел од тимот на Франција за следните квалификации, кои ќе се одржат на Филипините, а потоа и на Олимписките игри во Бразил.
– Да, би сакал да играм за Франција. најпрво на квалификациите на Филипините, а потоа се надевам дека ќе се пласираме и на ОИ во Рио, изјави 33-годишниот Паркер.
Во својата долга и богата кариера, Паркер единствено не играше за француската репрезентација на СП во Шпанија, а со „Триколорите“ има освоено четири медали на Европските првенства, додека на минатите Олимписки игри со Франција заврши на шестото место.