Новиот играч од средниот ред на Милан, Лукас Пакета во натпреварот од 23 рунда од италијанскиот шампионат против Каљари (3:0) го постигна својот прв гол за „росо-нерите“ .
Екс фудбалерот на Фламенго својот дебитантски погодок за Милан го посвети на жртвите од пожарот во базата на бразилскиот клуб, во кој загинаа 10 лица, меѓу кои имаше шест фудбалери на возраст меѓу 14 и 17 години.
„Денес го постигнав првиот гол за Милан. Јас сонував за тоа играјќи во академијата на Фламенго. Не можам да ги заборавам тие кои ги доживуваа истите чувства“, изјави Пакета.