Со дефиле на клубовите – учесници синоќа на плоштадот во Автокоманда беше отворен петтиот по ред Меѓународен младински турнир во ракомет во сала „Скопје 2015“.
Како што соопшти Град Скопје, на турнирот силите ќе ги одмерат 20 екипи од 12 клубови од Македонија, Србија и од Црна Гора, во машка и во женска конкуренција. На спортската манифестација што ќе трае до 19 август, учествуваат повеќе од 300 ракометари, а натпреварите ќе се играат со спортската сала на СУГС „Кочо Рацин“ и во салата „Расадник“ во Кисела Вода.
Организатор на Меѓународниот младински турнир во ракомет во сала „Скопје 2015“ е Ракометниот клуб „Работнички“ од Скопје. Градот Скопје е покровител на турнирот и финансиски ја поддржува неговата организација со 70.000 денари.