Првиот ден на Австралија опен не започна според желбата на организаторите, бидејќи по само околу еден час игра започна силен дожд.
И тоа не само дожд, туку невреме пропратено со грмежи што никого не остави рамнодушен.
Сите натпревари беа веднаш прекинати, а само оние кои се играа на трите најголеми терени – Род Лејвер Арена, Маргарет Корт Арена и Џон Кејн Арена (Фис – Виртанен, Андреева – Бузкова, Женг – Тодони) набрзо беа продолжени.
Во недела, првиот ден на АО, врнежи се прогнозираат во текот на целиот ден, па останува да се види како ќе се развива ситуацијата, но има одредени шанси повеќе да не се играат натпревари освен на споменатите терени кои имаат покрив.