Белгискиот град Остенде ќе биде домаќин на квалификацискиот турнир за Евролигата, соопштено е денеска на официјалниот сајт на ова натпреварување.
На турнирот покрај домаќинот Остенде ќе играат и Асвел и Стразбур (Франција), Нимбрук (Чешка), Хапоел Ерусалим (Израел), Зелена Гора (Полска), Уникс (Русија) и Рига (Летонија).
Место во групната фаза од Евролигата ќе обезбеди само првопласираниот во овие квалификации.
Турнирот ќе се одржи од 23 до 26 септември.