Најдобрата македонска тенисерка Лина Ѓорческа заедно со Шантал Скамлова победија во игра на двојки на фјучрсот во Врњачка Бања и ова за Ѓорческа е осма титула во конкуренција на двојки во 2015 година.
Тие попладнево во финалето ги победија српските тенисерки Марина Лазиќ и Бојана Маринковиќ со 2:0 во сетови (6:4 и 6:0) и со тоа ја оправдаа улогата први носителки.
Ѓорческа ќе продолжи со настапите на овој турнир, но во поединечна конкуренција.
Таа денеска ја победи Џулиета Естабле од Аргентина со 2:0 во сетови и утре во полуфиналето ќе игра против Габриела Хорачкова од Чешка, која со 2:1 во сетови во четвртфиналето ја совлада Кристина Милетиќ. Хорачкова се наоѓа на 1006. место на ВТА листата.
Ѓорческа и во поединечна конкуренција е рангирана како прва носителка.