Поранешниот селектор на кошаркарската репрезентација на Македонија, Алеш Пипан повеќе не е тренер на љубљанска Унион Олимпија.
Раководството на Олимпија реши да му врачи отказ на Пипан по поразот од Златорог (72:63) во полуфиналето на националниот Куп на Словенија.
Тимот од Љубљана веднаш најде замена за екс-селекторот на Македонија и поранешен тренер на МЗТ Скопје. Така до крајот на сезоната екипата на Олимпија ќе ја предводи Меми Беќировиќ.
Популарните „Змајчеки„ токму под раководство на Беќиревиќ во сезоната 2007/2008 ја освои двојната круна во Словенија.
Новиот тренер Беќиревиќ, ќе има тешка задача како во домицилниот шампионат на Словенија така и во регионалната АБА лига, да ја одведе Олимпија до самата завршница. Инаку тимот од Љубљана во АБА лигата се наоѓа на петтото место со скор од 12 победи и 10 порази.