Во „Будо карате центарот Недеви“ викендот се одржа 45.от Државен шампионат и традиционалниот карате турнир 13 Ноември во традиционално карате во дисциплините (фукуго, кумите и кого-кумите) за сениори, јуниори и кадети.
Во кумите – мажи најдобар беше Матеј Ангеловски, пред Бојан Богдановиќ кој освои сребрен медал, третото место е за Огнен Тасевски и Владимир Јовановски.
Победничка во дисциплината кумите – жени е Мила Саздова, втора Ана Крстевска, трето место го делат Берта и Јана Милевски.
Шампион во дисциплината фукого – мажи е Матеј Ангеловски, Огнен Тасевски е втор, на трето место се пласираа Филип Томевски и Љупчо Миленковски.
Дисциплина фукого – жени: прво место Мила Саздова, второ Ана Крстевска, трето Јана Милевска и Јелена Дробниќ.
На шампионатот учествуваа 62 натпреварувачи од 10 клуба.