Екипите на Фени Индустри и Кожув забележаа очекувани победи над Бест и Струмица во натпреварите од 17. коло на Првата македонска кошаркарска лига.
На натпреварот одигран попладнево во Кавадарци, екипата на Фени Индустри го совлада Бест со 93:74 нанесувајќи им го на гевгелискиот тим 17-от пораз.
Во Струмица пак, истомената домашна екипа загуби од Кожув со 90:74.
Преостанатите два дуела од ова коло го носат приматот „дерби’’.
Првиот ќе се игра утревечер од 19 часот во СЦ „Борис Трајковски’’ каде второрангираната екипа на табелата Карпош Соколи го пречекува третопласираниот Куманово.
Големото градско дерби меѓу Работнички и МЗТ Скопје Аеродром на програмата е во вторник (16 февруари) во салата Градски парк’ со почеток од 19 часот.
Табела: МЗТ Скопје Аеродром 15-1 (победи-порази), Карпош Соколи 13-3, Куманово 11-5, Фени Индустри 10-7, Кожув 8-9, Работнички 6-10, Струмица 3-14 и Бест 0-17.