Oбвинение против францускиот фудбалер Паје за злоупотреба на девојката со која беше во вонбрачна врска

Од:

Бразилското обвинителство поднесе обвинение против францускиот фудбалер Димитри Паје (38) за „сексуално, физичко и психолошко насилство“ врз неговата поранешна девојка.

Бразилските обвинители го обвинија екс францускиот репрезентативец за злоупотреба на 28-годишната адвокатка Лариса Ферар, со која бил во врска.

„Против Димитри Паје е поднесена жалба, која е испратена до 7-миот суд за семејно насилство“, објави обвинителството, без дополнителни детали за обвинението.

Бразилските медиуми објавуваат дека Паје е обвинет за нанесување емоционална повреда со „болни и понижувачки изрази, понижување, манипулација и исмејување“.

„Мал чекор, но голема победа“, рече адвокатот на Инстаграм, откако бразилските медиуми го објавија обвинението во средата.

Според бразилскиот печат, кој се повикува на полицискиот извештај, Французинот, кој има сопруга и четири деца, призна вонбрачна врска, но негира насилство.

Паје беше член на Васко де Гама во последните две години, а играше и за Марсеј, Вест Хем, Лил, Нант и Сент Етјен.

За француската репрезентација одигра 38 натпревари и постигна 8 гола.

Би можело да ве интересира

Франција почна да испорачува хуманитарна помош од воздух во Газа

Бразил не попушта пред царините на Трамп, најави итни мерки за компаниите

Горан Наумовски

Трамп потпиша наредба за воведување царини од 50 отсто за Бразил

Уапсен поранешен агент на француската тајна служба

ВИДЕО: Франција ќе ја признае Палестина, жестока реакција од Израел и САД

Се урна украински борбен авион „Мираж 2000“ доставен од Франција

Горан Наумовски