Бразил е вистински извор на таленти, а возбудата околу Ендрик се уште не згасна, но се појави ново чудо од дете кое според фудбалските стручњаци треба да го освои светот.
Неговото име е Естевао Вилијан, има 17 години и игра за Палмеирас, исто како и Ендрик.
Досега има 45 настапи за славниот клуб во кои постигна 15 гола и 10 асистенции, па не е ни чудо што Челзи го купи за 34 милиони евра, а на лондонскиот клуб ќе му се приклучи на крајот од сезоната кога тој ќе наполни 18 години.
Пофално за него зборуваше и легендарниот Роналдо, кој отиде дотаму што неговиот талент го спореди со Ламине Јамал.
“Тој е многу талентиран, како Ламине Јамал. Наскоро ќе биде голема ѕвезда. Мислам дека ќе игра уште едно Светско клупско првенство за Палмеирас, а потоа ќе замине во Челзи”, изјави Роналдо за новинарот на GiveMeSport, Бен Џејкобс.
Инаку, за талентот на Естевао говори и тоа што веќе има четири настапи за сениорската репрезентација на Бразил.