После X4 на BMW и Mercedes GLA, уште една германска компанија ја претстави својата нова студија, Volkswagen CrossBlue.
Како и првиот CrossBlue, така и новиот е направен врз основа на MQB платформа, а многу лесно може да стане и пример и урнек за наредната генерација на Tiguan или сличен модел.
За силата е задолжен V6 агрегат со турбо компресор кој заедно со два електрични мотори произведува вкупно 409 КС. Според информациите кои стигнуваат од Германија, CrossBlue концептот до стотка развива за 5,9 секунди со електрична автономија од 33 километри и просечна потрошувачка од 3 литри на 100км.