Првиот модел што излезе од фабриката Тесла Моторс, спортскиот двосед Роудстер во иднина ќе може да мине од Лос Анџелес до Сан Франциско без запирање, изјави Илон Маск.
Маск кој неодамна најави дека до крајот на годината ќе претстави детали за новата верзија на Тесла Роудстер, на Твитер објави дека едно од подобрувањате ќе биде зголемениот радиус на движење на речиси 644 километри.
Моментално Тесла Роудстер има литиум-јонска батерија со 6.831 келија, што на возачот овозможува со едно полнење да мине до 394 километри.
Засега не е познато колку време ќе биде потребно за полнење на новата батерија. Старата батерија се полни за 3,5 часа и користи Тесла полнач од 240 волти и 70 ампери.
Маск најави дека наскоро ќе бидат објавени и сите детали за новиот Роудстер.