Француската компанија „Рено“ потврди дека новата генерација „Меган“ ќе биде премиерно претставен на Саемот за автомобили во Франкфурт.
Потпретседателот за дизајн во Рено Лоренс Ван Ден Акер, за време на премиерата на моделот КВИД откри дека новиот Меган светската премиера ќе ја има годинава во втората недела на септември.
Новиот Меган ќе дебитира на Саемот во Франкфурт. Моделот е дел од исклучително компетитивен сегмент, каде ќе се спротивстави на Голф, Пежо 308 и други модели, истакна тој.
Моделот е поставен на СМФ платформата, која се наоѓа на Нисан Пулсар, а компанијата наведува дека станува збор за целосно нов дизајн базиран на актуелното Клио.
– Меган ќе биде многу сензуално, впечатливо и атрактивно спортско возило со сите нови технологии, изјави Ван Дер Акер.