Нисан ќе ја зголеми автономијата на движење на најпродаваниот електричен автомобил во светот, така што новата генерација на Леаф ќе може да мине до 400 километри со едно полнење на батеријата, изјави шефот на Нисан, Карлосн Госн.
Освен високата цена, еден од недостатоците на современите автомобили на електричен погон е тоа што имаат мал радиус на двиежње. Наспроти скромната автономија на движење од 135 километри со едно полнење, моделот Леаф е проаден во над 100.000 примероци низ целиот свет.
Компанијата во август најави дека подобрениот Леаф ќе може да мине до 300 километри со едно полнење, а неодамна Карлос Госн откри дека радиусот на движење на новиот модел ќе изнесува 400 километри, што е речиси тројно повеќе од сегашниот модел.
Засега не е познато кога новата генерација на Леаф ќе се најде на пазарот, но се очекува тој да биде понуден во 2016 година.