Кошаркарот на Далас Маверикс Дирк Новицки се проби на седмата позиција на листата на стрелци во НБА лигата. На синоќешниот дуел со Бруклин, Новицки постигна 15 поени и сега има вкупно 27.412 поена.
Тој успеа да го мине Мозес Мелоун, кој има 27.409 поени. Поуспешни од него се: Карим Абдул Џабар, Карл Мелоун, Коби Брајант, Мајкл Џордан, Вилт Чемберлен и Шекил О‘ Нил.
– Горд сум на постигнатото, но уште ми е поважна победата, изјави Новицки.
Неговиот тим Далас синоќа постигна победа по продолжение над Бруклин на гостински терен со 96:88.