Уште тројца фудбалери на шпанскиот фудбалски прволигаш Барселона се позитивни на коронавирус што дополнително му ја отежнува задачата на тренерот Чави пред следниот натпревар во Ла Лига.
Заразени со Ковид-19 се Фелипе Кутињо, Сержињо Дест и Ез Абде, објави попладнево Браселона, која в недела ја очекува гостување кај Мајорка.
Вкупната бројка на заразени фудбалери со коронавирус во редовите на Барселона сега е десет, а тренерот Чави во моментов на располагање има само деветмина здрави играчи. Поради тоа дополнително од Б тимот за денешниот тренинг беа повикани осуммина младинци.