Нови 13 медали за каратистите на „Урбан инвест” од Кавадарци, овојпат на меѓународниот турнир „Ноќ на шампионите 2015″ во Бијељина, Република Српска, Босна и Херцеговина, информираше попладнево тренерот на клубот, Ивана Аврамова.
На турнирот учествуваа 558 натпреварувачи од 55 клубови од седум држави – Босна и Херцеговина, Македонија, Србија, Хрватска, Словенија, Црна Гора и Романија.
Каратистите на „Урбан инвест” од Кавадарци освоија 6 златни, 3 сребрени и 4 бронзени медали.