Македонската тенисерка Лина Ѓорческа ја продолжи серијата успешни настапи во конкуренција на двојки. Таа попладнево заедно со Мелис Сезер од Турција победија на фјучрсот во Подгорица (награден фонд 25.000 долари).
Тие во два сета во финалето без загубен гем (6:0 и 6:0) ги победија Николета Булатовиќ и Нина Калезиќ од Црна Гора.
За Ѓорческа ова е вкупно девети триумф во двојки оваа година, а вторпат победува со Сезер од Турција. Заедно триумфираа и на турнирот во Тарсус.