Кеи Нишикори славеше со 2:1 над Томаш Бердих во првиот натпревар од второто коло на завршниот АТП шампионатот што се игра во Лондон. Со оваа победа јапонскиот тенисер си ги задржа шансите за пласман во полуфиналето.
Нишикори го доби првиот сет со 7:5, а веднаш на почетокот од вториот сет направи брејк и поведе со 2:0 во тој момент се чинеше дека мечот набрзина ќе биде решен. Сепак, проблемите со сервисот на Јапонецот му овозможија на Бердих да се врати и со пресврт го доби вториот сет со 6:3. Третиот сет беше изедначен до 3-3, кога Нишикори направи брејк и освои три гема во серија со што стигна до посакуваната победа.
Јапонскиот тенисер во клучниот меч за полуфинале во третото коло ќе се сретне со Роже Федерер, додека Бердих својот настап ќе го заокружи со меч против првиот фаворит Новак Ѓоковиќ.