Македонскиот тенисер Димитар Грабул не успеа да направи изненадување и во четвртфиналето загуби од првиот носител Белгиецот Жермен Жижуно со 2:1 во сетови.
Во мечот беа одиграни 34 гема, а белгискиот тенисер беше поуспешен, пред се, поради подобрата реализација на брејк топките. Првиот сет му припадна на Жижуно со 6:3 во гемови. Во вториот сет Грабул успеа да се избори за изедначување откако го доби тај брекот со 8:6 на поени.
Решавачкиот сет Грабул почна добро и поведе со 2:0 во гемови со направен брејк. Таа предност ја имаше нашиот тенисер се до 4:3, потоа Жижуно направи брејк за 4:4. Грабул веднаш возврати за ново водство од 5:4, но тука „застана“ и не освои повеќе ниту еден гем, а противникот со серија од три гема го доби мечот.
Грабул за пласманот во четвртфиналето ќе освои два поена.
Следната недела Грабул ќе настапува на фјучрсот во Де Пане, Белгија.