Стив Неш, ќе ја пропушти престојната сезона поради проблеми со грбот, соопштија од ЛА Лејкерс.
Со оглед на тоа што во последно време беше надвор од терените поради повреди, Неш најверојатно и ќе ја заврши професионалната кариера.
“Разочаран сум. Сакав да се вратам на теренот, но за жал не можам да играм на посакуваното ниво. Ќе продолжам да ја бодрам екипата и да се обидам целосно да се опоравам”, изјави Канаѓанецот.
Во својата кариера Неш настапуваше уште и за Финикс и Далас, а два пати беше избран за најкорисен играч во лигата.