На последната промена на ВТА листата македонската тенисерка Лина Ѓорческа го има најдобриот пласман во двете категории (сингл и двојки).
Ова се должи на резултатите постигнати на фјучрсот во Добрич, што значи дека новите поени за победата во Варна ќе и бидат запишани следната недела.
Ѓорческа го изденачи својот најдобар ранг и се наоѓа на 418 место на ВТА листата во сингл конкуренција со 78 поени и има скок за две места.
Во двојки е на 337 место со 153 поени и има скок од 18 места. На листата во двојки пласман има и Магдалена Стоилковска, која е 1.276-та.