Рафаел Надал и Томаш Бердих се првите полуфиналисти на Мастерс турнирот во Мадрид откако постигнаа победи во четвртфиналето. Надал, кој е четрикратен победник на овој турнир без многу проблеми го совлада Григор Димитров со 2:0 (6:3 и 6:4) во сетови.
Многу поголема борба имаше во вториот четвртфинален меч каде Томаш Бердих по двата освоени тај брека го победи Џон Изнер со 2-1 во сетови. Првиот сет го доби Изнер со 6:3, а следните два со 7:6 му припаднаа на Бердих. Во двата тај брека резултаот на поени беше 9:7 и 7:1.
Надал и Бердих ќе играат во утрешното прво полуфинале.
Другите два четвртфинални меча се играат вечерва: Милош Раониќ – Енди Мареј и Давид Ферер – Кеи Нишикори.
Во женските полуфинални дуели Петра Квитова ја победи Серена Вилијамс, а Светлана Кузнецова беше подобра од Марија Шарапова. Квитова и Кузнецова утре ќе играат во финалето.