Состанокот на раководството на АБА лигата, клубовите и националните кошаркарски сојузи, на кој ќе се разговара за актуелната ситуација ќе биде одржан на 16-ти јуни во Загреб.
Челниците на АБА лигата ќе бидат домаќини на состанокот на кој треба да биде направен првиот чекор кон решавањето на проблемот кој од 1-ви мај постои на релација ФИБА – Евролига – АБА.
Одржување на ваков состанок побарале сите национални сојузи и сите клубови кои учествуваат во АБА лигата.
ФИБА се закани дека ќе ги суспендира клубовите и националните сојузи од сите натпреварувања кои таа ги организира, доколку оние кои ја признале АБА лигата писмено не ја повлечат одлуката.
ФИБА бара АБА целосно да биде сопственост на клубовите, а не како што неодама беше договорено тие да имаат 80 отсто од сопственоста, а останатите 20 отсто да бидат во сопственост на физички лица.