Кошаркарите на македонскиот шампион МЗТ Скопје Аеродром триумфираа на турнирот „Димитар Ѓорѓиев“ што изминативе два дена се одржуваше во Кавадарци. Тие во финалето остварија победа над екипата на Карпош Соколи со 83:65.
Најефикасен кај МЗТ Скопје беше Дреновац со 14 поени, додека по 13 постигнаа Дамјан Стојановски и Луковиќ. Играчот на Карпош Соколи Казановски реализира 16 поени.
Во натпреварот за 3.место Куманово го победи домаќинот Фени Индустри 91:78.
Претхопдно во петокот во полуфиналните дуели МЗТ Скопје беше подобар од Куманово со 83:76, додека Карпош Соколи го победи Фени Индустри со 75:74.