Кошаркарите на МЗТ Скопје постигнаа победа на единствениот одигран натпревар од 2.коло од Супер лигата. Тие вечерва во СЦ „Јане Сандански“ го совладаа Фени Индустри со 77:65 (28:13; 18:18; 16:17 и 15:17).
Решавачка се покажа првата четвртина која „металците“ ја добија со 15 поени разлика. Најефикасен на натпреварот беше Стефан Синовец со 18 поени, додека капитенот Предраг Самарџиски имаше „дабл-дабл“ ефект: 17 поени и 10 скокови.
Другите два натпревара од оваа рунда Работнички – Карпош Соколи и Куманово – Кожув не се одиграа откако домашните екипи не се појавија во салите.
По некомплетното второ коло табелата го има следниот изглед: МЗТ Скопје А. 32 бода, Карпош Соколи 29, Фени Индустри 29, Работнички 28, Кожув 26, Куманово 26. з