Кошаркарите на МЗТ Скопје доживеаја висок пораз вечерва на гостувањето кај Крка во Словенија со резултат 85:52 (по четвртини 23:15; 20:16; 21:12 и 21:9).
Ова беше трет пораз за аеродромци сезонава во петте одиграни средби од регионалната АБА лига.
Само во првите 5-6 минути македонскиот шампион беше во резултатска рамнотежа, а потоа водството го презема домаќинот кој заслужено стигна до четвртиот сезонски триумф.
На првиот натпревар од оваа рунда Шолнок – Левски 81:67.
Двојките за другите дуели се: Партизан – Металац, Мега Визура – Олимпија, Будуќност – Цибона, Задар – Црвена звезда и Цедевита – Игокеа.
Пред комплетирањето на 5.коло, на врвот на табелата се Црвена звезда и Будуќност со максимални четири победи.