Поранешниот европски и хрватски шампион Цибона од денеска има нов тренер. На клупата на трофејната екипа доаѓа Дамир Мулаомеровиќ кој го наследува Славен Римац.
Мулаомеровиќ е екс играч на Слобода Тузла, Цибона, Ефес, Фортитудо Болоња, Ефес Пилсен, Панатинаикос, Снајдеро, Реал Мадрид, ПАОК, Олимпијакос, а играчката кариера ја заврши во Загреб пред три години.
Тренерската работа во Цибона за Мулаомеровиќ ќе биде прв голем предизвик во оваа професија, откако претходно работеше во Слобода од Тузла.
Новиот тренер на „цибоси“ дебито ќе го има в недела против Задар.